Cyfle Swydd: Cynorthwyydd Gweithredol

Cyfnod: Amser llawn, parhaol 
Cyflog: £28,000 y flwyddyn, ynghyd â phensiwn
Dyddiad cau: Dydd Llun 24ain Hydref, 12 hanner dydd
Cyfweliadau: 28ain a’r 31ain Hydref 2022
Dyddiad cychwyn: cyn gynted ag y bo modd

Prif Ddiben y Rôl

Mae hon yn swydd allweddol i sicrhau gweithrediad llyfn ac effeithlon Ffilm Cymru Wales. Bydd gan ddeiliad y swydd sgiliau cyfathrebu rhagorol, diplomyddiaeth a'r gallu i gydbwyso blaenoriaethau mewn rôl heriol. Mae'n rôl ysgogol mewn cwmni sydd wedi ymrwymo i hyrwyddo'r diwydiannau creadigol a'r rhai sy'n gweithio ynddo.

Prif ddyletswyddau a chyfrifoldebau  

• Cefnogi'r Prif Weithredwr a'r Prif Swyddog Gweithredu yn eu gwaith o ddydd i ddydd, gan gynnwys rheoli dyddiaduron a theithio, ynghyd â chysylltu â phartneriaid a rhanddeiliaid allweddol mewn modd pwyllog a phroffesiynol;
• Cynnal ymchwil a datblygu papurau briffio ar gyfer y Prif Weithredwr a'r Prif Swyddog Gweithredu i'w cynorthwyo yn eu busnes;
• Cysylltu â'r Cadeirydd, yr Is-gadeirydd a'r Bwrdd i drefnu teithio a chyfarfodydd a sicrhau bod ganddynt bapurau a deunyddiau perthnasol yn brydlon;
• Prosesu anfonebau ac archebion prynu sy'n ymwneud â'r Prif Weithredwr, y Prif Swyddog Gweithredu neu aelodau'r bwrdd;
• Cynnal cofnodion arian traul;
• Mireinio a chynnal systemau ffeilio sy'n cydymffurfio â'n polisïau diogelu data;
• Rheoli ein swyddfa (yng Nghaerdydd, neu fel arall) — gan gynnwys sicrhau cyflenwadau digonol, cynnal a chadw peiriannau, cysylltu â'n gwasanaeth TG, a diogelwch, mewn cyswllt â'n landlordiaid;
• Cofnodi cyfarfodydd yn gywir (y Bwrdd ac fel arall, yn ôl yr angen);
• Cydlynu’r gwaith o recriwtio ar gyfer swyddi sy'n adrodd i'r Prif Weithredwr neu'r Prif Swyddog Gweithredu gan gynnwys derbyn a chydgrynhoi ceisiadau, ymateb i anghenion mynediad ac amserlennu cyfweliadau;
• Cynnal y Llyfr Damweiniau a chofnodion Iechyd a Diogelwch
• Ymateb i ymholiadau cyffredinol ac ailgyfeirio at aelodau priodol o'r tîm; 
• Tasgau eraill lle bo hynny'n rhesymol ofynnol.

Manyleb y Person  

• Gan weithio ar lefel uwch byddwch yn ddymunol, cynhwysol a phwyllog yn eich ymagwedd.
• Bydd gan yr ymgeisydd llwyddiannus o leiaf 3 blynedd o brofiad cadarn mewn rôl sefydliadol heriol, gan gynorthwyo ar lefel uwch weithredwr, neu lefel gyfatebol.
• Byddwch yn unigolyn hunangymhellol sydd â sgiliau gweinyddol, cyfathrebu a threfnu cryf.
• Gan weithio'n annibynnol, byddwch yn fedrus wrth flaenoriaethu ac ailflaenoriaethu yn ôl yr angen, ac yn gweithio gan roi sylw i fanylion.
• Mae profiad yn y diwydiannau creadigol yn ddymunol ond nid yw'n hanfodol.
• Mae'r gallu i siarad Cymraeg yn hanfodol. Byddwn yn ystyried dysgwyr y Gymraeg.

Byddwn yn cynnig cyfweliad awtomatig i bob ymgeisydd sy’n bodloni Isafswm ein Gofynion ar gyfer y rôl ac sy’n nodi eu bod yn Bobl o’r Mwyafrif Byd-eang, yn Ddu, Asiaidd neu o Leiafrifoedd Ethnig neu’n F/fyddar, yn drwm eu clyw, yn Anabl neu’n niwroamrywiol.

Ar gyfer ymgeiswyr sydd â gofynion mynediad, er enghraifft unigolion sy'n F/fyddar, yn drwm eu clyw, yn anabl, yn niwroamrywiol, a phobl sydd â nam ar eu golwg, mae cymorth ar gael. Cysylltwch â sion@ffilmcymruwales.com