Cyfle i ymuno â bwrdd Ffilm Cymru Wales

Dylai ymgeiswyr rannu angerdd am sector a diwylliant ffilm yng Nghymru sy’n gynhwysol, yn deg ac yn wyrdd, gan ddarparu gwerth economaidd, cymdeithasol, diwylliannol ac addysgol ledled Cymru.   

Rydyn ni’n gwerthfawrogi ystod eang o brofiad ar draws ein Bwrdd, ac nid ydym yn disgwyl i bob Aelod gael cefndir mewn ffilm neu’r sector creadigol hyd yn oed. Os ydych yn credu y gallwch ychwanegu gwerth at ein gwaith, hoffem glywed wrthych, p’un ai ydych chi’n gwbl newydd yn ymuno â Bwrdd neu os oes gennych flynyddoedd lawer o brofiad.

Beth yw’r fantais i fi?

Bydd gan bob aelod o’r Bwrdd eu rhesymau eu hunain dros eisiau ymuno â Ffilm Cymru. Gallai’r rhain gynnwys ymdeimlad o fod eisiau rhoi rhywbeth yn ôl i sector y maen nhw’n gweithio ynddo, neu uniaethu â’n gwerthoedd wrth i ni adeiladu amgylchedd cynhwysol, gwyrdd a theg; yr egni a'r dysgu y maen nhw eu hunain yn elwa ohono wrth fynd i'r afael â'r ystod o faterion rydyn ni’n ymwneud â nhw; awydd i gefnogi cynnwys creadigol a chelfyddydol, gweithwyr proffesiynol a mynediad at gynulleidfaoedd sy’n berthnasol ac wedi’u teilwra i Gymru.

Gallwch glywed wrth rai o gyn-aelodau’r Bwrdd ac aelodau presennol y Bwrdd fan hyn:

Rolau a Chyfrifoldebau 

Bydd aelodau yn gyfrifol am lywodraethiant Ffilm Cymru, gan oruchwylio esblygiad y cwmni a datblygiad ehangach ein polisiau a’n strategaethau i gefnogi’r sector. Yn benodol, mae aelodau yn:

• Rhannu eu syniadau a’u profiad i siapio, cymeradwyo ac ailadrodd cynlluniau a pholisïau strategol Ffilm Cymru Wales, wedi'i lywio gan adolygiad gweithredol a data a mewnbwn gan gynrychiolwyr y diwydiant a ffrindiau beirniadol;
• Fel rhan o’r Bwrdd ar y cyd, darparu llywodraethiant ariannol a strategol – adolygu a chymeradwyo’r blaenoriaethau strategol blynyddol, y cynlluniau, y gyllideb, y cyfrifon rheoli chwarterol a’r Cyfrifon Statudol blynyddol;
• Gwneud penderfyniadau cyllido ar y cyd am geisiadau o £50,000 neu fwy mewn ymateb i argymhellion y weithrediaeth;
• Hyrwyddo Ffilm Cymru Wales yn frwd, ei waith a’r talentau rydyn ni’n eu cynrychioli drwy fynychu digwyddiadau, cyflwyniadau lefel uchel a mynychu cyfarfodydd strategol lefel uchel; 
• Gall arwain hefyd ar feysydd gwaith penodol, o bryd i'w gilydd, ar sail gorchwyl a gorffen.

Sgiliau a Rhinweddau 

Rydyn ni’n chwilio am ymgeiswyr sydd ag: 

• Agwedd agored a cholegol at herio arferion ac annog cyfraniadau a phartneriaethau
• Ymrwymiad i ddatblygu sector cynaliadwy sy'n adlewyrchu ac yn gwasanaethu ein cymdeithas yn llawn, yn amgylcheddol gyfrifol ac yn entrepreneuraidd;
• Diddordeb brwd mewn datblygu buddion ffilm yn gymdeithasol, diwylliannol, addysgol a/neu economaidd ledled Cymru; 
• Parodrwydd i ddarparu arweiniad lefel uchel, gan arwain at ganlyniadau heriol ond cyraeddadwy, gyda dealltwriaeth o’r dirwedd wleidyddol a diwylliannol rydyn ni’n gweithredu ynddi;
• Awydd i wneud gwahaniaeth; 
• Dealltwriaeth o siapio targedau strategol, yn seiliedig ar dystiolaeth, sy'n caniatáu ar gyfer arloesi; 
• Gwerthfawrogiad o atebolrwydd a chyfrifoldebau angenrheidiol arian cyhoeddus;
• Wynebu’r dyfodol – yn barod i addasu i’r her nesaf a chreu cyfleoedd;
• Bod yn agored a hael wrth rannu profiadau uniongyrchol – boed o fewn y sector, neu’n ehangach, i helpu i lywio ble a sut gellir newid ar gyfer dyfodol gwell.

Ceisiadau 

Gwnewch gais drwy lythyr, neu drwy ddulliau eraill os cytunir ar hynny mewn ymateb i gais hygyrchedd, gan ddisgrifio'r hyn sy'n eich denu i'r swydd, yr hyn y gallech ei gyfrannu i'r rôl, a phryd yn ddelfrydol yr hoffech ddechrau. Byddwn mewn cysylltiad i drefnu sgyrsiau gydag unigolion sydd â diddordeb yn ystod yr wythnosau nesaf, cyn cyfarfod â phanel bach o gynrychiolwyr y Bwrdd/gweithrediaeth.

Dylid anfon ceisiadau at sylw ein Cadeirydd, Yr Athro Ruth McElroy c/o hayley@ffilmcymruwales.com   
 
Neu drwy e-bostio: Ffilm Cymru Wales, Uned 6, Tramshed Tech, Stryd Pendyris, Caerdydd, CF11 6BH. 
 
Os hoffech drafod y rôl ymlaen llaw, cyfeiriwch eich ymholiad at y Prif Weithredwr pauline@ffilmcymruwales.com neu ffoniwch 02921 679369, a all hefyd eich rhoi mewn cysylltiad â'n Cadeirydd, sy’n hapus i ymateb i ymholiadau.