Cartref

Arddangos Arian

Mynedia I Gynulleidfaoedd

Mae Ffilm Cymru Wales wedi ymrwymo i hyrwyddo diwylliant ffilm bywiog a nwyfus drwy gynyddu mynediad i, ac ymestyn yr amrywiaeth o ffilmiau sydd ar gael, i bob cynulleidfa ledled Cymru, gan gynnwys y ffilmiau hynny sy'n arbennig o berthnasol i Gymru.  

Ffrwyth adolygiad strategol a gynhaliodd Ffilm Cymru yn 2015/2016 yw’r canllawiau sy’n dilyn ac maen nhw hefyd yn talu sylw i ddata a gasglwyd oddi wrth gleientiaid a ariannwyd, ymchwil ehangach yn y DU ac ymatebion i arolygon.    

Mae’r ddogfen hon yn egluro ein nodau a'n blaenoriaethau ariannu ar gyfer 'Cronfa Mynediad i Gynulleidfaoedd" Ffilm Cymru Wales; ei diben yw helpu sefydliadau sy'n dymuno gwella amrywiaeth, argaeledd a chyrhaeddiad y ddarpariaeth annibynnol o ffilmiau i bobl Cymru.

Yn 2016/2017 bydd y Gronfa Mynediad i Gynulleidfaoedd ar agor i wyliau a sefydliadau eraill sy’n dymuno cynnig profiad o wylio ffilmiau ar y cyd yng Nghymru na fyddai, fel arall, yn derbyn arian ar gyfer mannau arddangos oddi wrth Ffilm Cymru Wales.

O fis Ebrill 2017, bydd y gronfa ar agor i bob man arddangos, gwyliau ac unrhyw sefydliad arall sy’n dymuno cynnig profiad o wylio ffilmiau ar y cyd yng Nghymru.

Ein hamcanion yw cynnig arian ar gyfer portffolio cytbwys sy'n cefnogi cytundebau ariannu yn y tymor hirach i gleientiaid sy'n bwriadu dangos ffilmiau annibynnol flwyddyn ar ôl blwyddyn sy'n cyd-fynd â’n hegwyddorion ariannu, yn ogystal ag ariannu i arbrofi syniadau ac i ymateb i gyfleoedd pan a phryd y bydd y rhain yn ymddangos, gan annog modelau newydd o fusnes a dargyfeirio ffrydiau incwm.  

Yn benodol, rydym yn awyddus i gefnogi gwella’r ddarpariaeth yn yr ardaloedd hynny o Gymru lle mae’n dal yn brin, o ran mynediad at sgriniau sy’n dangos cynnwys ffilm annibynnol ac i gyrraedd rhagor o aelodau’r cyhoedd sy’n cael eu tan gynrychioli mewn cynulleidfaoedd ffilmiau annibynnol mewn mannau cymdeithasol – gan gynnwys, er enghraifft, cyrraedd cymunedau De a Lleiafrifoedd Ethnig, pobl ag anableddau, oedolion ifanc a phlant. 

Mae’r gronfa Mynediad i Gynulleidfaoedd yn cynnwys arian loteri Cyngor Celfyddydau Cymru ac arian Cymorth Grant y Sefydliad Ffilm Prydain. 

 

Dyddiaad Cau:

  • Dydd Llun 15 Rhagfyr, 2017